Albisteak

Udalbatzak 2025eko otsailaren 21ean egin zuen ohiko osoko bilkuran, Gasteizko Erdi Aroko Hirigunerako eta Koroatze auzorako jarduketa-plan Integratuari(JPI) atxikitzea ebatzi zuen, akordio honen bidez.

2025.05.07

Errota zaharra elkartea

2024ko urriaren 7ko BOEn (242. zk.), urriaren 2ko HAC/1072/2024 Agindua argitaratu zen, zeinaren bidez oinarri arautzaileak onetsi baitziren tokiko erakundeen jarduketa-plan integratuei EGEF finantza-bidea esleitzeko hiri garapen jasangarriaren esparruan, Eskualde Garapeneko Europako Funtsaren kargura eta 2021-2027 programazio-aldian. Agindu horren xedea da tokierakunde onuradunei finantza-bide bat esleitzeko oinarriak ezartzea, 2c lehentasuneko finantzaketa aurreikuspenak eta EGEFerako programatutako 5.1 helburu espezifikoa (aurrerantzean, HE) aintzat hartuz, zeina 2021-2027 aldirako Espainiako Eskualde Anitzeko Programan jasotzen baita. Horren helburua da hautatutako jarduketa-plan integratuak finantzatzea, baldin eta hiri-garapen jasangarria sustatzen badute, ingurumenaren, ekonomiaren eta gizartearen ikuspegi hirukoitzetik, eta herritar guztien bizi-kalitatea hobetzen laguntzen.

3. artikuluaren arabera, erakunde onuradunei finantza-bide bat esleituko zaie, EGEF laguntzaren behinbehineko finantza-zuzkidura urtekotu gisa ulertuta, 2021-2027 aldirako Espainiako Eskualde Anitzeko Programaren 2C lehentasunaren eta 5.1 HEaren finantzaketaaurreikuspenen kargura. Finantzaketa hori jarduketa-plan integratuetan jasotako eragiketak gauzatzen diren heinean kontsolidatuko da, eta dagokion zenbatekoa gorantz edo beherantz eguneratu ahal izango da egikaritze-mailaren arabera, oinarri arautzaile horien 23. artikuluan — finantza-bidea birprogramatzeari buruzkoa— arautzen den bezala.

Erakunde onuradunek ziurtatzen eta justifikatzen dituzten gastu hautagarrien arabera, dagokien EGEFen kofinantzaketa-tasa itzuliko zaie. Aginduak ezartzen du, halaber, 2021/1060 Erregelamenduaren 2.9 artikuluaren arabera, erakunde onuradun izango direla Toki Araubidearen Oinarriak arautzen dituen apirilaren 2ko 7/1985 Legearen 3. artikuluan aipatzen diren tokierakundeak, baldin eta, I. eranskinean ezarritako betekizunak betetzen dituztelarik eskaera bat aurkezten badute ezarritako prozeduraren arabera eta esleipendun gertatzen badira. Era berean, 10. artikuluan adierazten duenez, hiri-garapen jasangarria jarduketa-plan integratuen bidez bultzatuko da, zeinak dokumentu estratégico zabalago baten barruan kokatu beharko baitira, zehazki, Tokiko Garapen Integraturako Estrategia (TGIE) baten barruan, dagokion eremuko hiri-errealitatearen eraldaketa sustatzearren, xedapen komunak emateko 2021/1060 (EB) Erregelamenduaren 29. artikuluan ezarritakoaren arabera. Izaera estrategikoko dokumentu hori oinarritzat hartuz landuko dira jarduketa-plan integratuak, helburu estrategikoak lortzeko mecanismo gisa.

(…) Udal honek Gasteizko Gasteizko Erdi Aroko Hiriguneko eta Koroatzeko jarduketa-plan Integratua (JPI) kontratatu du. JPIa estrategia integral eta eraldatzailea da, Hirigune Historikoa auzo bizigarri, dinamiko eta erakargarri bihurtu nahi duena, non kultura, inklusioa, ondarea, aniztasuna, natura eta jarduera ekonomikoa konektatuko baitira, hiriaren osotasunean duen berezitasuna galdu gabe. JPIak funtsezko jarduerak lehenestearen aldeko apustua egiten du, hala nola Aldabeko gizarte-etxea gizarte-jardueraren eta iraunkortasunaren erreferente bihurtzea, Gasteizko ekipamendu zaharkituenetako bat baita, eta Hirigune Historikoko eta Koroatzeko bizitzarako funtsezkoa. Helburua da espazio multifuntzional gisa berritzea, gizarteratzea, kulturaaniztasuna eta belaunaldien arteko lotura sustatzeko, hori guztia energia-eraginkortasuneko estandar altuenen pean (PassiveHaus), eta Gasteizek hiri pilotu gisa neutraltasun klimatikorako duen misioarekin bat eginez, hiriko gainerako lekuetarako eredu bihurtzeko asmoarekin.

Gainera, JPIak berrikuntzaren aldeko apustua egiten du ardatz egituratzaile gisa, eta gazteentzako alokairuko bizitoki-irtenbideak barne hartzen ditu, biztanleria finkatu eta auzoko bizitza gaztetu ahal izateko. Ekimen horiek, eta beste batzuek — bideirisgarritasuna hobetzea, zuntz optikoa instalatzea, lokalak modernizatzea eta ekintzailetza berritzailerako espazioak sortzea—, hirigune historikoaren gizarte- eta enpresa-sarea biziberritzea dute helburu, lehiakorragoa, inklusiboagoa eta jasangarriagoa izan dadin. JPIaren bereizgarrietako bat birnaturalizazioarekiko konpromisoa da, klima-aldaketa arintzeko eta horretara egokitzeko helburuekin lerrokatuta. Ekintza horren bidez, nabarmen hobetu nahi da ingurumen kalitatea Hirigune Historikoan eta Koroatzearen auzoan, historikoki atzean geratu baitira alor horietan.

JPIak proposatutako jarduerak modu integratuan eta interkonektatuan aurkezten dira; horrek ahalbidetzen du helburuetarantz modu eraginkor eta kohesiboan aurrera egitea, hiru estrategia eta proiektu handiren bidez, horietako bakoitza besteen inpaktua indartzeko eta osatzeko diseinatu delarik:

1. Bizigarritasuna eta funtsezko zerbitzuak klimaren aldetik neutroa den auzo baterako.
2. Berrikuntza ekonomikoa eta kulturala hirigunean, hiri erresiliente eta circular baterako.
3. Inklusioa, gizarte dinamizazioa eta ingurumen kontzientzia indartzea.

Udalbatzaren akta irakurtzeko sakatu hemen »